لما يهل عليك ضيف عزيز بتبقى عايز تفرش الأرض رمل في المكان اللي هيمشي فيه , وبتبقى الفرحة مش سيعاك , ولما بيهل عليك رمضان بتعلق زينة وفوانيس وأنوار وكأن رمضان هيعد في الشارع بتاعكو فلازم لما ييجي يلاقيه أجمل شارع , وبتعمل في الشارع حملة وتعبئة عامة عشان كل الناس تنضف وتزين قبل ما رمضان ييجي ويعدي على شارعكو.....مابالك بقى ان رمضان بيعدي على قلبك .... يلاقى غبار أخلاق وحشة , عقوق والدين , ضياع الفجر , إلخ وانت سعادتك سايب قلبك بالمنظر ده وضيفك مش بس هيعدي عليه لأ دا كمان ممكن يقعد فيه , أومال هيقعد فيه بس لو لقى المكان نضيف يعني ,,,,
يلا , يلا ... اعمل حملة تنضيف على مستوى كل جوارحك كله ينضف ويشيل اللي فيه , جدد حياتك جدد اسرتك جدد مجتمعك ....استقبل ضيفك
ورمضان قرب..بلا بقى نقرب
موضوع: رمضان...جدد حياتك 
الجمعة 14 أغسطس 2009, 11:46 am
